#PBBScripted

May bagong housemates na naman ang Bahay ni Kuya. Pero kapansin-pansing walang hindi kagandahan o kagwapuhan, walang mukhang adik, walang mula sa hirap, at wala ring edad 30 pataas. Ano 'to, artista search? Oo nga't may ilang pinalad na maging artista sa dating housemates pero iilan lang talaga. Pero kagabi, lampas sa kalahati ng bilang ng housemates ang maganda at gwapo. Alam na!

Dream. Believe. Survive. PBB: ALL IN.

https://www.facebook.com/OfficialPinoyBigBrotherAbsCbn

Ayon sa Twitter, #PBBScripted ang naitalang number 1 trending topic sa Pilipinas mula kahapon nang tanghali hanggang sa mga oras na sinusulat ko ang blog na ito. Hindi na ako nagtaka kung bakit ganito ang tingin ng nakararami. Ang sabi kasi sa intro ng kickoff, pinagsama daw ang regular, celebrity, at teen editions para sa season na ito. Pero bakit maraming mukhang artista?

Sa mga nakalipas na cycle ng PBB, mapa-regular, celebrity o peebeebeeteens man, kahit papaano'y balanse ang bilang ng housemates base sa kanilang personal background. May anak-mayaman, may mahirap pa sa daga, may maarte, may kalog, may mahiyain, may kulang sa pansin, may commercial model, may Betty La Fea, may tambay sa gym, may tambay sa kanto, may professional, may walang modo, may malusog, may patpatin, may celebrity, may anak ng celebrity, may imported, at may mukhang naligaw ng landas. From all walks of life, ika nga. Pero ngayon, binansagan pang ALL IN ang season na ito pero parang hindi naman talaga pasok ang lahat. Hindi rin lahat ng nakapasok ay nag-audition.

Tutal, mukhang artista search naman ang patutunguhan nito, kay Vickie tayo!

https://www.facebook.com/OfficialPinoyBigBrotherAbsCbn

Nasa HOUSE A nga pala ang lahat ng mga bata, mayaman, sikat, maganda at gwapo. Wala pang laman yung HOUSE B.

: )

Dapat nanalo si Dan

Ngayon lang ulit ako nanood ng "The Voice of the Philippines" dahil nalaman kong sa wakas ay natapos na ang pagkahaba-habang Blind Auditions. 7 weeks. Wow. Daming pera from sponsors nun.

The title card of The Voice of the Philippines: The Battles

Pagbukas ko ng TV, bumungad agad ang opening prod nina Charice, Yeng Constantino, at... sino nga ba 'yung isa? Anyway, nagsayang lang sila ng oras kasi pwede pa sana magdagdag ng isa o dalawa pang Battle pairs sa Night 1. Apat na pares lang kasi ang nag-perform at mas marami pa akong napanood na commercials kaysa sa mismong programa kagabi. Saka sa Live Shows pa dapat lumitaw 'yang mga ganyang prod. Nagmukhang ASAP tuloy.

'Yung unang pares mula sa Team Apl, parang wala lang. Pagdating naman sa Team Bamboo, maraming nadismaya nang piliin ni Bamboo si Lee Grane as Battle winner kahit malinaw na si Dan ang nanalo. Panoorin mo ulit:


Maski si Lee Grane, alam na talo siya. Hindi ko lang alam kung bakit siya pa rin ang pinili ni Bamboo. Kung ang kanyang "gut feel, artistry, faith" lang ang basehan sa pagpili niya ng Battle winner, ano pang silbi ng Battle Round? Pero wala na rin naman tayong magagawa. Congratulations to Dan. Na-mafia ka lang.

Moving on, maganda ang naging laban ng pares mula Team Sarah. Nasabi ko nga kagabi na "'Yan ang battle!"


Pero pagkatapos ng laban nila, ako'y nalungkot kasi walang Steal o Save para sa natalo. Siguro next season pa (kung may next season pa). Paasa lang 'yung buttons at "I WANT YOU" (himala, may ilaw na) sa Voltes V Chairs. Sana tinanggal na lang nila.

At syempre, ang bago kong paborito: si Mitoy!


Sana tumagal siya sa Team Lea at umabot hanggang sa Finals. Mabuhay ang "The Face"!

Tuloy ang Battles next week at sana dagdagan naman nila, 'wag lang 4 pairs/trios. Napansin ko nga pala sa next week's episode teaser na nagpalit ng outfit ang coaches. Hahaha! Naapektuhan sa negative comments. Sa pagkakaalam ko, 2 days lang sila nag-taping at kung sa mga susunod pang episodes ay nagpalit ulit sila ng damit, sigurado na akong naapektuhan sila sa mga natanggap na puna during the Blind Auditions.

Isa pa pala, napansin ko lang after each battle, sinasabi ni Toni sa battle winners na pasok na sila sa next round, not specifically sa Live Shows. Does that mean there will be a Knockouts/Showdowns to cut the number of contestants by half before the Live Shows begin? O umaasa na naman ako sa wala tulad ng pag-asa kong may Steal?

: )

The Voice PH Battle Rounds Set

Updated: 7/11/2013

Naglabas ng ilang litrato ang The Voice of the Philippines Facebook page ng mga kuha mula sa taping ng Battle Rounds. Noong Martes, lumabas ang dalawang ito:

#‎VoicePH‬ Update: Coach Bamboo ready for battle! | facebook.com/TheVoiceABSCBN

#‎VoicePH‬ Battle Round set sneak peek. | facebook.com/TheVoiceABSCBN 

Ang liit ng stage pero hindi na masama. Wala naman tayong magagawa, hindi ba? Kumpara sa Blind Auditions, malaking improvement na ito (Clap clap sa production design team). Pero ang talagang nagustuhan ko dito ay sa wakas, nakita ko na ang live band! Hindi ko kasi nakita 'yung banda sa Blind Auditions kaya akala ko'y recorded ang music ng mga nag-audition.

Para naman sa mga nagtataka kung bakit parang boxing ring ang stage, ganyan talaga 'yan. Mixed martial arts ang laban eh. At uto-uto ka kung naniwala ka naman. Ganito ang siste: Bawat coach ay pipili ng dalawa o tatlong artists sa kanyang team para magkasamang kumanta ng iisang kanta. Tutulungan at gagabayan naman sila ng kanilang coach at kasama nitong mentor bago tuluyang makipagbuno sa boxing ring. Pagkatapos ng performance, pipili ang kanilang coach ng battle winner at pasok na siya sa next round. At base sa litratong nasa ibaba, mukhang may pag-asa pa ang matatalong artist.

The Ultimate Multimedia Star @CelestineGonzaga for The ‪#‎VoicePH‬ Battles. Abangan. | facebook.com/TheVoiceABSCBN 

Pagkatapos mong tingnan si Toni, tingin ka naman sa background. Makikitang may buttons pa rin ang Big Red Voltes V Chairs. Dalawa lang ang ibig sabihin nito:

1. May Steal/Save at posible ring may Knockouts ang Philippine version o kaya nama'y
2. Nakalimutan lang tanggalin.

#‎VoicePH‬ Battle Rounds Day 2 today. Good luck, artists! Let the battle begin! | facebook.com/TheVoiceABSCBN 

Mapapansin naman sa kuhang ito na katabi ng coaches ang kanilang mentors. Nakilala ko agad si Gerard Salonga for Coach Lea at si Gary V. naman for Coach Sarah. Hindi ko naman makilala 'yung kay Bamboo at kay Apl... Nasan kay Apl?!

Sa Australian version, kasama rin ang mentors pero nakaupo sila sa likuran ng coaches. Pwede munang kausapin ng coach ang mentor bago mag-decide ng battle winner. Sa US and UK versions naman, sa rehearsals lang lumilitaw ang mentors. Dahil dito, naisipan kong maghanap sa YouTube ng Battle Rounds video clips ng orihinal na The Voice of Holland at ito ang aking nakita:


Kapansin-pansin ang pagkakapareho ng maliit na set pati ang mentors sa tabi ng coaches. Maliit din siguro ang studio nila doon. Ngayon alam ko na kung bakit parang may sariling mundo ang production team ng The Voice of the Philippines. Akala ko dahil nagtitipid sila ng budget. 'Yun pala, mas pinili nilang gayahin ang set ng original version kaysa mas kilalang US at UK versions. Well, good luck na lang sa pagtitipid nila.

 Coach @MsLeaSalonga ready for the 2nd day of Battle Rounds. ‪#‎VoicePH‬ | facebook.com/TheVoiceABSCBN

Ayon sa isang tweet ni Ms. Lea Salonga, sa July 28 daw magsisimula ang airing ng Battle Rounds. Wow, ang tagal. At base sa napakaraming episodes ng Blind Auditions, tingin ko'y isang buwan din itong eere. Baka sa September pa ang Live Shows at tatanghalin ng Guinness ang The Voice of the Philippines bilang may pinakamaraming episodes ng The Voice sa buong mundo.

Matagal pa ang July 28. Matagal pa akong maghihintay. Nawalan na kasi ako ng interes sa first episode pa lang ng Blind Auditions kaya hindi ko na rin pinanood ang mga sumunod na episodes. Sana lang ay hindi masayang ang aking matagal na paghihintay. At sana, nag-Rexona si Apl para he won't let me down.

: )

Ang mga problema ko sa 'The Voice PH' Pilot

Napanood ko ang pilot episode ng 'The Voice of the Philippines' kanina at hindi ko mapigilang madismaya na naman. Napapanood ko kasi ang US at UK versions kaya naman tumaas ang expectations ko sa Philippine version. Pero noong nakita ko nga ang kumalat ng photos mula sa taping ng Blind Auditions noong Abril, ako'y nadismaya.

Nasayang agad ang first 15 minutes sa mga bagay na pinalabas naman sa Primer last Sunday. Heto na ang listahan ng mga napansin ko kanina:

1. Parang PBB. 
2. Maliit ang studio. 
3. Voltes V chairs. 
4. Walang live band. 
5. Walang tunog ang button. 
6. Walang ilaw ang "I WANT YOU" sa ibaba ng upuan. 
7. Hindi sabay-sabay umikot ang upuan ng coaches na hindi pumindot pagkatapos ng performance. 
8. Kulang sa langis ang upuan. 
9. Kulang sa ilaw. 
10. Kulang sa Enervon ang audience. 
11. Ang daming commercal. At
12. Bakit coach si Sarah Geronimo?

facebook.com

Kung magkakaroon man ito ng 2nd season, sana ayusin nila ang lahat ng mga nakalista sa taas.

: )

My Top 4

Since the live shows of 'The Voice' started, I was rooting for these four ladies to be in the top 4; hence the title of this blog. With only 8 artists remaining in the competition and 2 more to be eliminated next week, I hope the Americans vote for them so these ladies will become one step closer to the top 4.
 
Danielle Bradbery
Team Blake


Sasha Allen
Team Shakira


Judith Hill
Team Adam


Michelle Chamuel
Team Usher


I hope one of them wins The Voice!
: )

Survivor: Caramoan - 2 split votes, 1 perfect blindside

SPOILER ALERT! If you haven't watched the most recent episode of Survivor then watch it now!

Since Malcolm was voted out, I lost the will to watch the remaining episodes of Survivor. He's been my bet since last season and I thought he will redeem himself and win this time. Unfortunately, he's on the Jury side again. He played well in the game but still finished earlier than I expected and that really sucks. Now with Malcolm out of the game, what's there left to see? Then I thought, why not watch how the former Stealth R Us alliance will slit each other's throat?

This week's episode featured two immunity challenges and two Tribal Councils. The first immunity challenge, I believe was designed for Reynold and Eddie since Jeff mentioned both of them after Malcolm's torch was snuffed last Tribal. The winner of the challenge receives a clue to a hidden immunity idol (which Malcolm failed to find last time) in addition to the immunity necklace. However, after seeing donuts and a glass of milk, Eddie jumped out of the challenge with Erik, leaving Reynold fighting for immunity. But in the end, Andrea won the challenge and found the idol later with the help of her allies. Andrea wanted Brenda out but no one joined her plan. At Tribal Council, the remaining Stealth R Us members split their votes between the last two Amigos. Reynold was voted out as expected.

The second immunity challenge was dominated by Erik and won his first individual immunity. Back at camp, Andrea still wants to blindside Brenda. Cochran became suspicious about it and planned to blindside Andrea instead. But since Andrea has an idol, Cochran convinced the rest to split the vote between Andrea and Eddie. If Andrea plays her idol, Eddie's gone. At the second Tribal Council, Cochran's plan worked out when Andrea did not play her idol. The blindside sent a stunned Andrea to the Jury. Clearly, she didn't see that one coming. So now, we're down to the final six. The end is near!

Here's next week's preview:


2 episodes to go before Survivor: Caramoan - Fans vs Favorites 2 wraps up!

: )

Survivor: Caramoan - The Three Amigos

SPOILER ALERT! If you haven't watched the most recent episode of Survivor then watch it now!

survivorfandom.com

Finally! The Stealth R Us kingpin is out of the game, thanks to the Three Amigos: Malcolm, Reynold, and Eddie. Reynold won immunity while Malcolm found his second hidden immunity idol and gave Eddie the other one during the craziest Tribal Council ever. With the three outcasts having immunity and all members of Stealth R Us alliance except Erik stuck with the split vote plan, the Specialist was voted out and became the second member of the Jury. Well played, Amigos, well played.

Everybody's happy but Phillip. He's so confident with the game he opted out of the immunity challenge right away. His story about being trapped underwater during his childhood is not even a valid reason for not participating. The metal grate challenge in last week's episode is much more scarier than this week's challenge. So, is the story even true?

neontommy.com

Phillip's confidence didn't saved him from being voted out and joined Michael in the Jury. Now, what's next for the Three Amigos? The numbers game stands 6-3 in favor of Stealth R Us. The Amigos must pull another crazy stunt to survive the next Tribal Council.

Here's next week's preview:


Next time on Survivor: Will Sherri and Erik join the Three Amigos? And everyone's favorite challenge is back! The Survivor Auction!

: )

Ang Napakasimpleng Blind Auditions Set ng The Voice PH

Nagsimula na pala ang taping ng Blind Auditions ng The Voice of the Philippines. At ilang oras matapos ang Day 1, nag-upload ng ilang litrato ng Blind Auditions set ang The Voice Philippines Facebook page (hindi ko alam kung ito ang official page) na umani ng iba't ibang reaksyon mula sa netizens.

Ako mismo'y nadismaya pagkakita sa mga litratong ito. Ang liit ng studio! Teka, hindi ba't si Laurenti Dyogi ang director nito? 'Yung Big Brother House nga nakaya niyang pagandahin every season e. Anong nangyari dito? Naubos ang budget kay Ms. Lea Salonga? Big Brother, you can do better than that!

Napapanood ko kasi ang US (mula Season 3) at UK (Series 2) versions kaya naman hindi ko maiwasang ikumpara ito sa Philippine version. May nakita pa nga akong ikinukumpara ito sa versions ng ating mga karatig bansa.

Sino ba namang hindi madidismaya sa resulta kung ang ginamit nila sa teasers ng local version ay video clips mula sa The Voice US?


Sana sa The Voice of Holland na lang sila kumuha ng video clips para hindi masyadong nadismaya at umasa ang ilang fans ng The Voice.


By the way, si Ben Saunders nga pala ang first winner ng The Voice of Holland.

Ngayon, bukod sa mukhang piloto ng Voltes V ang coaches ng The Voice of the Philippines, ano naman kaya ang magiging istura ng Battles set? Utang na loob! Sana may mas malaking studio ang ABS-CBN. At kung totoo man na sa Newport Performing Arts Theater ng Resorts World gaganapin ang live shows, aba'y malaking improvement na 'yun! Gandahan na lang nila ang production design. Kahit kasi singing contest ang The Voice, it is still a TV show. Bukod sa naririnig ang tenga, importante rin ang nakikita ng mata.

: )

Dear PNoy

http://cdn2-b.examiner.com

May ginagawa bang paghahanda ang gobyerno ng Pilipinas laban sa mga pagbabanta ni Kim Jong Un? Aba'y matagal nang kaalyado ng USA ang Pilipinas a! Paano kung bombahin tayo ng North Korea? May missile defense system man lang ba ang ating sandatahang lakas? Baka pag dumating ang panahon na may Voltes V na ang Japan ay nagtatyaga pa rin tayo sa second hand tools ng Amerika.

http://news.toyark.com/

Kaya bang protektahan ng gobyerno ang kanilang mamamayan sa isang biglaang pagsalakay? Ewan. Bahala na si Batman.

http://www.inquirer.net

Walang gustong makaranas ng giyera. Kaya naman sana nga'y hindi matuloy ang nagbabantang gulo sa Korean peninsula. Pero kung sa kasamaang-palad na ito'y matuloy, sana'y hindi madamay ang Pilipinas. Wala pa kasi tayong missile defense system o Voltes V man lang e. Wala ka pa kasing ginagawa.

: )

Ang silya, inuupuan. Hindi sinusunog.

Naiintindihan ko kung bakit sila nagpo-protesta. Naiintindihan ko ang kanilang ipinaglalaban. Pero hindi ko talaga maintindihan kung bakit kinailangan pang ihagis at sunugin ng mga estudyante ang ilang upuan, lamesa, at kung anu-ano pang bagay na galing sa kanilang silid-aralan. Bakit hindi na lang nila silaban ang mga bagay na pagmamay-ari nila?

Pera ng taumbayan ang ipinambili sa mga bagay na sinunog nila. Buwis ng mga mamamayang umaasang magagamit sa tama ang salaping kinaltas sa kanilang kita. Marapat lamang na ito'y gamitin nang angkop at pangalagaan ng sinumang dito ay nakikinabang. Ang silya, inuupuan. Hindi sinusunog.

http://forum.philboxing.com/

Ang daming estudyante sa buong bansa ang nahihirapang mag-aral dahil sa kakulangan ng materyales at pasilidad ng pampublikong eskuwelahan. Pagkatapos ganyan pa ang mababalitaan natin? Nakakasama ng loob. Sana naisip muna ito ng mga estudyanteng sangkot bago nila pinaghahagis at sunugin ang mga upuan at iba pang bagay sa PUP.

: (

Survivor: Caramoan - Brandon vs Phillip

SPOILER ALERT! If you haven't watched the most recent episode of Survivor then watch it now!


I've been watching Survivor US since a local channel made it available here in the Philippines. I became a fan ever since and watched the show religiously. Through the years, each season has its own ups and downs and has featured historic Survivor firsts. But last night's Survivor first is the most surprising and unpleasant to date.

http://www.zap2it.com/

I have never seen anyone act like what Brandon did last night. Watching him spilling rice and beans all over the camp just makes me wish he never returned to the show at all. What a disappointment. This is not the Brandon I used to know in South Pacific. This season's Brandon is unstable, damaged, and unacceptable. Something is seriously wrong with him and I believe he needs professional help. It just concerns me that people blame everything to Russell Hantz. In my opinion, Russell Hantz is the best Survivor castaway that ever played the game. Brandon on the other hand is a loose canon. I hope people stop comparing the two. May God Bless Brandon.

http://jumpedthesnark.com/

Fans of the show know that Phillip is annoying and at some points, entertaining. But triggering Brandon's rampage? Unbelievable. The rest of the Favorites did not take him seriously, not one bit. The Special Agent is just playing his own game and unfortunately, Brandon has low tolerance for Phillip's unique characteristics. I'm just glad Jeff Probst was able to control the situation before it gets ugly. It's a good thing Brandon respects Jeff and the "Tribal Council" went smoothly. This is by far the most intense episode in the history of Survivor.

Here's next week's preview:


Next time on Survivor: Corinne vs Phillip and a twist. Will it be a tribe switch, a merge, a both-tribes-going-to-tribal or something new?

: )

Remote Control

Simula nang masira ang remote control ng biniling DVD Player ni Papi, hindi na namin ito muling nagamit nang maayos. Apat lang kasi ang built-in buttons sa mismong player: Play/Pause, Stop, R/L (speaker) at Open/Close. Kaya kung manonood ka, dapat tuloy-tuloy. Walang rewind at wala ring fast forward. Good luck na lang kapag may na-miss kang eksena.

Ni minsan ay hindi sinukuan ni Papi ang DVD Player na 'yun. Hindi siya pabor na bumili na lang ng bagong Blu-ray Player. Kapag may dumadaan ngang nagbebenta ng remote control sa tapat ng bahay, nagbabakasakali siya na may isang gumana sa aming DVD Player. Pero ni isa, walang tumalab. Ngunit nitong nakaraang Linggo, dinapuan na ng swerte si Papi. Nang may dumaan na nagtitinda ng remote control, agad niya itong tinawag para ma-testing ang mga inilalako nito. Mga limang remote controls yata ang nasubukan niya at lahat naman gumana... pero hindi maayos. Hindi kasi tugma ang karamihan ng buttons sa dapat na silbi nito. Sa huli, binili na rin ni Papi 'yung may "pinakamalapit" na remote control.

http://memecrunch.com/

Ang problema, pahirapan gamitin 'yung bagong remote control. "Universal" kasi. Kumbaga sa gamot, generic. Walang brand. Power at Open/Close buttons lang ang gumagana nang tama. Sa ibang buttons, kailangan mo pa ng matinding pagsasanay para makabisado kung alin ang alin at saan ang saan. Halimbawa na lamang, ang Volume Control ay nasa buttons 1(+) and 4(-) samantalang ang nasa Volume (-) button naman ay Play. 'Yung iba, hahayaan ko na sa iyong imahinasyon.

Looking on the bright side, masaya na si Papi dahil muli nang magagamit ang aming DVD player. Good luck na lang sa amin.

: )

Matapobreng Taxi Driver

Minsan lang ako sumakay ng taxi.

Kahapon, napilitan akong pumara ng taxi dahil halos 40 minutes na akong late sa aking pupuntahan. Kasalanan ko naman e, hehe. Sa dami ng naghihintay ng taxi, awa ni Lord, nakasakay rin ako.

Nang malapit na akong bumaba at makitang 92.50 na ang meter fare, dumukot ako ng 100 peso bill mula sa aking bulsa at iniabot kay Manong Driver sabay sabing, "Malapit na po. Pwede na po ba ito?"

Biglang sinabi ni Manong Driver, "Bakit? Wala ka bang pera?"

Nagulat ako. "Ha?" lang ang nasabi ko.

"Wala ka bang pera?" ulit niya.

"Meron naman po," sagot ko.

"Kung 'yan lang ang ibabayad mo, ihihinto ko na 'to." Ang labo ng sinabi niya. Bakit niya ihihinto ang taxi? Hindi ba siya masaya sa 100 pesos? Dagdag pa ng matanda, "Kung wala kang pera, wag kang sasakay ng taxi."

Lalo akong naguluhan. Sa isip ko, sasakay ba ako sa taxi mo kung wala akong pera? At naliliitan ba siya sa 100 pesos? Kung tutuusin, dapat may sukli pa nga ang 100 ko e. Kung wala lang akong respeto sa matanda baka nasagot ko na siya nang pabalang. Pero good boy ako. Kalma lang, sabi ko sa sarili ko.

Nakarating naman ako sa aking destinasyon nang hindi lumampas sa 100 ang metro ng taxi. Iniabot ko na ang 100 peso bill kay Manong at kasama ng aking pekeng ngiti, pinasalamatan ko siya. Agad humarurot ang lintek na taxi.

Minsan lang ako sumakay ng taxi. At hindi ko akalaing ito pa ang mangyayari sa akin.

: |

Sundot Dito, Kapkap Doon

Umaga ng Huwebes, Marso 29, 2012, isang money changer ang pinagnakawan ng ilang armadong lalaki sa loob ng Robinson's Galleria. Isang security guard ang nasawi at marami ang nasugatan sa sumabog na granada habang papatakas ang mga kriminal. Hanggang sa ngayon ay hindi pa rin nadadakip ang mga responsable sa naganap na krimen.

Dahil sa nangyari, muling naghigpit ng seguridad ang iba pang malls. Nasabi kong 'muling naghigpit' sapagkat napansin ko na sa mga nakalipas na insidenteng sangkot ang mga mall, holdapan man, pambobomba o may tumalon mula sa 4th floor, ang agaran aksyon ng mga sekyu ay ang paghihigpit sa entrance ng mall. Automatic yan. Magdadagdag rin ng security personnel ang mga mall at ang iba'y may bomb-sniffing dogs pa.

Ngunit kailangan pa bang may mangyaring hindi kanaisnais bago maghigpit ng seguridad? Pansamantalang mararamdaman ng madla ang kaligtasan hanggang sa matabunan ang issue. At ilang linggo o buwan lang ang lumipas, balik na naman sa dating gawi ang mga sekyu. Maluwag na naman sa entrance.

Sundot sa bag dito, kapkap sa baywang doon. Yaan ang madalas na S.O.P. sa entrada ng malls, government offices, at drug dens. (Hindi naman kasi lahat ng buildings ay may metal detector at bomb-sniffing dogs.) Pero pag walang naganap na hold up, bombing o suicide sa nakalipas na dalawang buwan, sundot-sundot na lang sa bag ang ginagawa ng mga sekyu habang nakikipagchikahan sa isa't isa. Kahit panatag na ina, hindi mapapanatag.

Isang linggo matapos ang insidente sa Galleria, nananatiling mahigpit ang seguridad sa mga matataong lugar. Dala na rin ito marahil ng Semana Santa. Sa susunod na linggo kaya, ganito pa rin kahigpit ang seguridad?

Sa panahon ngayon, wala na yatang ligtas na lugar. Kaya sana kahit normal na araw, manatiling mahigpit ang seguridad sa lahat ng matataong lugar. Sana kahit walang camera, masipag pa rin sa kanilang trabaho sina Manong Guard at Mamang Pulis. At sana lang talaga, kunin na ni Lord ang lahat ng masasamang loob, small time man o kurakot na politiko.

: )

Ang Local Primetime Program Schedule

Ayon sa nakikita ko tuwing commercial breaks, ganito ang primetime program schedule ng dalawang higanteng local TV networks na itatago natin sa pangalang ABS-CBN at GMA:

[Nightly News] - 6:30 PM

[Show 1] - after [Nightly News]

[Show 2] - after [Show 1]

[Show 3] - after [Show 2]

[Show 4] - after [Show 3]

[Koreanovela] - after [Show 4]

[Late Nightly News]  - after [Koreanovela]

[Late Night Documentary] - after [Late Nightly News]

Kung mapapansin mo, 'yung Nightly News lang ang may siguradong timeslot na 6:30 PM at lahat ng sumunod na programa ay hindi mo alam kung anong petsa magsisimula. Hulaan mo na lang kung anong oras. Ngunit bakit nga ba ganito ang program schedule pagdating ng primetime?

Ang sagot ay hindi ko alam. Hindi ko alam kung bakit hindi eksaktong 30 minutes o 1 hour ang bawat isang programa. Hindi ko alam kung bakit mas mahaba ang allotted time ng isang programa kumpara sa iba. At hindi ko rin alam kung bakit hinahati nila sa 3 to 4 parts ang isang episode ng bawat tinagalog na Koreanovela.

Primetime TV. More fun in the Philippines.

: )

Buong Mundo

Karamihan ng mga newscaster at reporters sa bansa ay nilalahat ang kanilang pagbabalita. Madalas rin itong gawin ng ilang talk show hosts. Akala kasi nila'y lahat ng ibinabalita nilang sikat na kaganapan ay pinag-uusapan rin ng buong mundo. Ilang halimbawa ng kanilang panlalahat ay ang mga sumusunod:

“Ito na ang pelikulang pinakahihintay ng buong mundo!”

“Talaga namang tinutukan ng buong mundo ang royal wedding!”

“Buong mundo’y ipinagdiwang ang Kapaskuhan!”

Taga-mundo rin kasi ako pero hindi ko hinintay o tinutukan man lang ang ilan sa mga binabalita nila. Pwede naman nilang sabihing “Tinutukan ng ilan nating kababayan ang blah blah blah” o kaya nama’y “Hinintay ng mga fans ang pagdating ni kwan.”

Sana’y hindi nila nilalahat dahil unfair ito sa ibang taga-mundo rin naman.

: |

Taun-taon tuwing sasapit ang bagong taon

Bago ang lahat, nais ko kayong batiin ng MALIGAYANG BAGONG TAON! 2012 na kaya naman nalalapit na ang pagkagunaw ng mundo! Mwahahahahaha!

Anyway, dahil sa December pa muling mauulit ang kasiyahan kagabi, narito ang ilan sa mga taun-taong kaganapan tuwing sasapit ang bagong taon:

• Matindi ang traffic jam sa mga pangunahing lansangan. Puno kasi ng mga mamimili ang malls lalo na ang department store at supermarket nito. Maging mga palengke malapit sa kalsada na walang nakalaan na parking lot ay nagdudulot rin ng pagsisikip sa daloy ng trapiko.

• Blockbuster ang mga bus terminals, pantalan at paliparan. Karamihan ng mga pasahero’y daig pa ang OFW sa dami ng bitbit na gamit pauwi sa kani-kanilang probinsya.

• Kaliwa’t kanan ang guestings ng dakilang Feng Shui experts para sabihing pera ang dala ng Year of the Water Buffalo at mamalasin ka ngayong taon kapag hindi ka bumili ng charms na crystals at nagpagawa ng water fountain sa kusina. Maganda ring mag-franchise ng siomai at kumuha ng life plan.

• Samu’t sari namang makukulay na bente, singkwenta, sandaan, limandaan, at sanlibo ang makikitang nagpuputukan sa kalangitan habang nalalapit ang pagsapit ng alas-dose. Nakakaaliw sa paningin pero mas mainam kung pinambili na lamang ito ng pagkain at ibinigay sa mga katulad kong walang makain.

• At siyempre, tadtad ng madugong balita ang radyo’t telebisyon bago sumapit ang bagong taon. Kahit kasi paulit-ulit na magbabala ang mga kinauukulan, paulit-ulit pa ring may napuputukan. Hindi kasi kumpleto ang pagpapalit ng taon sa Pilipinas kapag walang nasusugatan, napuputulan ng daliri, or worst, namamatay dahil sa napaka-child-friendly fire-crackers at iresponsableng gun owners.

Nawa’y ngayong 2012, kumpleto pa rin ang inyong mga daliri, kamay at paa. Dalawang tenga, dalawang mata, ilong na maganda.

Muli, MALIGAYANG BAGONG TAON sa inyong lahat! Live each day like it’s your last dahil ayon daw sa mga Mayan, baka ito na nga ang last.

: )

Mag-earphones ka!

Ang pinakaayaw ko sa lahat tuwing nasa loob ako ng bus ay kapag may isang kapwa pasahero na nagpapatugtog ng tagalog rap songs sa cellphone nang naka-loudspeaker.

Ito 'yung tipo ng tagalog rap songs na madalas ay pag-ibig ang tema. Kasawian, katangahan, kataksilan, at kung anu-ano pang may kinalaman sa pag-ibig ang kadalasang subject ng kanilang rap. May ilang hango sa mga lumang kanta ang chorus ng kanta. Minsan nama'y English o Japanese ang chorus na kinakanta ng babae o bata. Sila ata 'yung descendants ng Salbakuta.

Madalas ko kasi itong marinig sa mga kabataang tambay dito sa lugar namin. Kung hindi mo alam ang tinutukoy ko, mapalad ka, kapatid!

Nasisira ang aking masayang bus ride pag may pasaherong nagpapatugtog sa cellphone nang naka-loudspeaker. Papansin ang tingin ko sa mga taong ganito. Hindi ka naman radio station pero daig mo pa ang naka-broadcast. Bakit kailangan mo pang iparinig sa madla kung ano ang pinapakinggan mong kanta? Akala mo ba gusto ng lahat ang ano mang gusto mo? Tutal naman cellphone at playlist mo yan, ikaw na lang ang makinig. Wag mo na kaming idamay.

Mag-earphones ka!

: |

Baluktot Na Daan

Dito sa lugar namin, ganito ang napansin kong pinagdaraanan ng sementong kalsada ng Quirino Highway:

Kapag ang sementong kalsada ay may bitak na, lalapatan ito ng aspalto. Kapag nagkaroon na ng bitak o parang napudpod na ang aspalto, bubungkalin ito pati ang semento sa ilalim nito at matapos patagin ang lupa, bubuhusan na ito ng semento. Kapag natuyo na ang semento, lalapatan naman ito ng aspalto. Kapag nagkaroon naman ng bitak o parang napudpod na ang aspalto, bubungkalin na naman ito, pati ang semento sa ilalim nito upang lagyan ng bagong semento. Kapag may bitak na naman ang kalsadang semento, basahin mo na lang ulit ang paragraph na ito.

Hindi ko alam kung kagagawan ito ng mga dumadaang malalaking truck ng semento o sadyang substandard lang talaga ang materyales na ginamit sa kalsadang ito. Pareho man ang dahilan, perwisyo ang siguradong hatid nito sa aming mga taga-Bulacan. Dyan sa inyo, ganito rin ba ang sitwasyon ng inyong kalsada?

Hindi ba nila pwedeng ayusin ang pagpili sa matinong contractor na gagawa ng ganitong proyekto? Ayaw ba nila ng matagalang solusyon sa problemang paulit-ulit na umuusbong? Sabagay, sa bawat proyekto ng local government tulad nito, may budget na makakaltasan ang buwayang kurakot. Hay buhay! Sila dapat ang binunungkal sa pwesto nila e.

Kailan ba natin madaraanan ang matibay at tuwid na daan?

: |

Unlimited Rice

Noong sumikat ang Mang Inasal dahil sa kanilang unlimited rice, akala ko'y gagayahin na rin ito ng mga nangungunang food chains sa bansa. Ngunit hindi ito nangyari. Hay.

Nang sakupin ng Jollibee ang Mang Inasal noong nakaraang taon, akala ko'y magiging unlimited rice na rin ang paborito kong 2 pcs. burgersteak meal. Pero hindi pa rin ito nangyari. Hay naku.

Kanin na nga lang, ipinagkakait pa? Bakit ba hindi nila maipatupad ang unlimited rice scheme? Mamumulubi ba sila pag nag-unlimited rice sila? Ang Mang Inasal nga ilang taon nang may unlimited rice pero kita naman natin ang patuloy pa nitong paglaki. Samantalang 'yung mga mas kilala at 'di hamak na mas big time na food chains sa bansa (ehem, Jollibee, ehem, Mcdonald's) ay hindi man lamang ito magawa! Sa isang rice meal, isang cup rin lang ang kanin. Buti pa 'yung Bento, kumpleto.

Alam naman nating malakas sa kanin ang mga kababayan natin. Kaya para sa kapakanan ng mga gutom na tiyan, nananawagan ako sa lahat ng food chains at restaurants dito sa Pilipinas na gawing rice-all-you-can-eat ang kanilang rice meals! Pero dapat walang price increase!

Mas enjoy ang Chickenjoy kapag kanin ay 'di bitin. Ipaglaban ang karapatan mong mag-kanin! Kaya't sabay-sabay nating isigaw ang sigaw ng bayan:

Kanin! Kanin! Kanin!

: )