Isang gabi habang naglilipat ako ng channel ay bigla kong nakita yung public advisory ng channel 5 na "GOODBYE ABC 5" at magsa-sign off na raw ito sa August 8. Pero maya-maya, may lumitaw sa gilid na "Abangan ang bago sa August 9!" so naisip ko, magpapalit lang pala sila ng pangalan.
Inalam ko kung anong dahilan at kung ano ang ipapalit nilang pangalan. At syempre, inuna ko ang Wikipedia. Doon ko nalaman na TV5 raw ang ipapalit nilang pangalan ng Network at nakipagkasundo raw si Tonyboy Cojuangco, CEO ng Associated Broadcasting Company (ABC) sa MPB Primedia Inc., isang local company na pinapatakbo ng Media Prima Berhad of Malaysia. Ito raw ang mamamahala sa mga entertainment programs ng bagong TV5, habang ABC naman ang bahala sa news programs at pag-o-operate ng station.
Kaya iniimbitahan ko ang lahat ng sawa na sa ABS at GMA na abangan ang bagong TV5. Ako mismo, aalamin ko kung mayroon silang improvements. Pero kung katulad pa rin sila ng dati, balewala rin lang ang pagpapalit nila ng pangalan.
: )
No comments:
Post a Comment