Napuno ng mukha ni Manny Pacquaio ang mga pahayagan kaninang umaga. Siyempre, nanalo kasi siya. Pero palagay ko kahit pa siya ang natalo, siya pa rin laman ng mga balita. AT hanggang pagdating ko sa bahay, si Pacquiao pa rin ang laman ng mga news programs! Pati yung lumubog na MV Princess of the Stars dinamay sa laban ni Pacquiao! Nakalimutan raw ng mga naulila ang sakit na dulot ng trahedya dahil sa pagkapanalo ni Pacquiao. Ano yun? Lokohan?! Dapat kasi, hindi pinagtatagpi-tagpi ang mga balita. Pag Sulpicio, Sulpicio lang! Pag si Pacquiao, Pacquiao lang! Walang kung anu-ano pa. Respeto na rin dun sa mga namatayan.
Pero asahan pa rin natin na si Pacquiao ang magiging laman ng mga balita hanggang sa susunod na linggo. Siya kasi ang pinakamainit na tao ngayon kaya sasabit ang media sa kanya. Ibabalita pa ang naging training niya; kwento ng buhay niya; anong masasabi niya sa laban niya; sinong gusto niyang sunod na makalaban; buntis ba misis niya; may bagong kotse at driver ba ang nanay niya; tatakbo ba siya sa 2010, at kung anu-ano pang kabulastugan. Hay. Balita talaga sa Pilipinas. Laging exaggerated. Congrats na lang kay Pacquiao!
: (
photo from http://www.boxingscene.com/?m=show&id=14674
No comments:
Post a Comment