Sabi sa commercial ng multivitamins, "Bawal magkasakit." Sinubukan kong sundin yun. Pero tinamaan pa rin ako ng lintek na sakit ng ulo noong Huwebes na nauwi sa lagnat at sipon. Kagagaling ko nga lang sa sipon nun e. Tapos lagnat naman?!
Ngayon, medyo ayos na ako. Hindi nga lang ako makahinga ng maayos. Parang may nakaharang na Neozep sa butas ng ilong ko. Patuloy rin ang pag-agos ng mainit-init na sipon mula rito. Buti na lang, may panyo ako. Naubos na kasi yung bitbit kong tissue.
Hindi ko nga alam kung bakit hindi nauubos ang sipon ko e. Saan ba galing yun? Hindi kaya unti-unit nang nalulusaw ang utak ko? Ang saklap naman nun.
Sana gumaling na ako. Sana tumalab na rin yung mga iniinom kong gamot. At sana, makahinga na ako ng maluwag.
: (
No comments:
Post a Comment